今天回到自己的學校，卻不是學生而是考生。
好多老師都叫我加油，叫我做快啲呀俾心機，尤其今日考得是我一向成績不差的中文。結果還是做不完閱讀卷，很難看地禁不住淚灑試場。雖說試前就做好考不上大學的心理準備，不過那是建基於我能把所有試題答完的前提下的。做得完考得差我會覺得是自己抵死，技不如人又不夠勤奮，但做不完分數低卻會令我滿肚委屈、深深不忿。最令人難受的還是當大部份人，特別是愛你的人都認為你穩入大學，只有你自己心知肚明與大學無緣，這種感覺真的好像你犯了事愧對全世界，無面目再見鄉親父老一樣。
畢竟阿媽咁辛苦養大由細到大都無嘢係叻，唔擔得唔抬得乜都唔識得，唯一就只有讀書叫做及得上正常人水平的我，她對我最大的期望大概就是考上大學吧。不是說家裏出了個大學生自己就有幾威幾叻幾把炮幾教女有方，相反，正正是因為我比不上四肢健全的一般人，所以她才希望我讀得成書，大個女之後就算做事緩慢也能夠以學歷搭夠，找份安穩工作養活自己吧。
但說到底，真正使人眼淚決堤的始終是一句：「入唔到大學咪算囉，我唔會好失望喎！其實我想你入大學都係想你讀多幾年書，唔使咁早出嚟做嘢，賺錢養家咋嘛，讀唔到大學讀副學士再升返上去都得嘅姐！」
//大概一天總會開竅 勝負也淡淡一笑
我怎可以自憐 從來運氣沒有缺少//
Search